七月廿八日是陳慧嫻（Priscilla）的生日，五十七歲的她入行已有三十九年，在這慶生的一天，她也有新動向，就是加盟英皇娛樂。
對於加盟英皇娛樂，慧嫻表示：「 好榮幸可以加入英皇呢個大家庭。」並謂十分期待跟克勤及祖兒合作，「唔係只係合唱，係合作喎。我同克勤以前同一間公司已認識多年，但從來冇機會合作，希望可以同佢搞吓啲花臣啦。」提到祖兒，慧嫻表示二人已認識很久，「希望可以同呢位新生代合作，對我嚟講Joey係新生代嚟㗎！同祖兒一齊玩吓。」至於「轉會費」，慧嫻笑說：「數字就唔講啦，總之就開心滿意啦！」至於生日願望，她說希望身邊所有人、屋企人、所有愛她嘅人同她愛嘅人、同埋她個「女」mou mou，都身體健康，「身體健康就開心㗎啦！人最緊要開心。」
一眾英皇藝人對於慧嫻的加盟均十分興奮雀躍，亦乘機問她不少問題，當中經理人Mani就問：「可唔可以講個爛gag？」慧嫻即腦筋急轉彎，「A-Z二十六個英文字母，ET走咗，咁剩番幾多個英文字母呢？答案係二十一個，因為ET坐UFO走。」關智斌（Kenny）表示想跟慧嫻去玩wakesurf，慧嫻爽快答應，不過她向Kenny說要他先教識她游泳才可以，十分搞笑。
女歌手們則對扮靚shopping有興趣，Twins及許靖韻（Angela）想知道慧嫻最近買了什麼好東西、用什麼顏色唇膏，慧嫻笑言過去兩年都沒有添置新衣服，「變了心」收藏水晶手鏈；唇膏方面，慧嫻謂不化妝的時候會選用橙紅色唇膏，因為看起來會精神點；洪卓立（Ken）及楊天宇（Angus）則向慧嫻請教如何養聲，「要飲多啲水、瞓多啲覺、做吓運動、保持心境開朗、正面。」然後細聲地繼續說：「仲有就係唔好咁大聲講嘢呀，陰聲細氣，唔好嗌傷把聲，咁把聲就應該會正常㗎啦！」幽默感十足，而大家亦拍片祝賀慧嫻加入這個大家庭。