七月廿三日是周家怡生日，踏入四十三歲，她的生日願望同許多香港人一樣，「當然係疫情快啲過去，大家都健康平安，工作順利！」
加入英皇的她，今年生日得到老闆楊受成博士為她舉行生日船P，又送上靚靚蛋糕及乳豬造型蛋糕，認真有心思，壽星女表示，「船P大家玩得非常開心，要多謝老闆為我準備生日蛋糕，多謝各位兄弟姊妹陪我切蛋糕，好開心成為英皇嘅一分子，真係好似個大家庭，超級感動！仲有要多謝Kenny、Michelle同Gladys之前向老闆表達咗鍾意wakesurf，老闆就二話不說買咗一隻專業比賽用嘅wakesurf船俾我哋玩，真是超級好老闆，咁樣嘅老闆去邊度搵！」
在陸地上有「女車神」之稱的壽星女，在海上就唔係幾得，雖然好有毅力，跌完再試又再試，不過都係放唔到繩，去到最後甚至想放棄咁滯，不過負責指導的Kenny冇放過佢，唔肯俾佢上水，直至放到繩為止，家怡就笑說：「我跌咗好多次，跌到有挫敗感，好在最終得到星級教練Kenny同Michelle指導，終於喺最後一次成功咗，可惜無片，哈哈！」
而同屬英皇藝人的陳國邦、曾樂彤、李靖筠（Gladys）、艾妮（Elly）、黎峻（Kenneth）、劉若寶（Polly）及郭思（Suey）也上船齊齊為新快艇作「下水禮」。