馮德倫（Stephen）剛從美國回港，昨晚他與曾國祥為《第40屆香港電影金像獎》擔任頒獎嘉賓，兩人在頒獎台上爆連串金句，笑翻全場。
台上Stephen發揮幽默本色，當曾國祥問Stephen當導演後如何保持弗爆狀態？又自嘲婚後肥了兩個碼，Stephen即笑謂：「係咪因為你阿爸基因犀利得滯？」曾國祥一臉認真說：「我諗係，我其實扯得高已經好托賴。」Stephen接着說：「唔係喎！今晚係ViuTV轉播，係咪唔應該講你阿爸？」曾國祥回他說：「唔緊要，ViuTV係咩都講得㗎！」Stephen即補一句：「係咩？ViuTV咩都講得㗎咩？」全場笑聲不絕，拍爛手掌！
Stephen更提及自己的電影工作排得密密麻麻，透露年底及明天將參與香港電影，分別會演出及執導兩部作品，讓人期待！Stephen說：「年底會演一部港片，明年也會導一部。除了港片之外還有一個美劇在籌備，可能明年底拍。」