鄭俊弘（Fred）與何雁詩（Stephanie）囝囝Asher Douglas剛滿月，是時候帶BB去打針，新手媽咪Stephanie，在社交網開心舉勝利手勢自拍，背後是老公Fred推着BB車的照片，留言：「我yeah得好開心，個仔喊得好傷心」。
Stephanie續謂：「因為今日第一次一家三口出動離開屋企範圍⋯⋯去打針，仲要兩隻腳仔都打齊，心痛死爸爸媽媽！婆婆好緊張，所以掉低左（咗）佢係屋企。打完針帶左（咗）bb去陪我地（哋）買珍珠奶茶，翻（返）到屋企bb喊得好淒涼，平時開心bb，食到瞓到，今晚只係喊。希望佢快d（啲）識得笑翻（返）啦！下次我地（哋）三人行一定會好玩d（啲）嘅！最後，我發現我反轉咗個口罩嚟戴，證明，帶bb出去真係倒轉地球」！
