母親的乒乓球｜小演員欣禧喊戲一Take過　陳自瑤慘被陳展鵬忘記曾合作

陳自瑤驚訝陳展鵬原來忘記他們曾合作。

陳自瑤與陳展鵬主演的《回歸光影頌》的單元劇《母親的乒乓球》將於明晚播出，故事講述芷昕（陳自瑤飾）的10歲女兒余卓穎（李欣禧飾）熱愛打乒乓球，並受到透過內地專才計劃來港的教練郭一（陳展鵬飾）賞識。
在劇中為「博愛女一笑」挑戰打乒乓球的陳自瑤（YoYo），現實生活中並不擅長乒乓球，故對同劇小演員欣禧既能應付演戲、又能打出好球大表佩服：「佢雖然第一次做戲，但出奇地做得好好，記對白好快好醒目。」YoYo又謂為演好貼心母親，不但多個場口淡妝上陣，她透露團隊在造型及人設上亦花了不少心思：「造型係想做到好普通，似番一個住屋邨嘅單親媽媽，角色情緒亦冇乜大起伏，純粹係想溫情啲，希望可以畀到多啲真實感觀眾。」YoYo笑指是次是與展鵬相隔多年後再合作，可惜對方已冇印象：「佢竟然忘記我哋第一次合作，今次相隔咁多年再合作番，都幾有新鮮感。」

YoYo都讚欣禧第一次演戲就咁好。

+6

欣禧5歲開始打乒乓，監製陳耀全（Andy）指第一次試戲時，她已有很多自己的想法，很有潛質。Andy透露欣禧有場跟YoYo鬧交後掟嘢再走上牀喊的戲，一take過便完成。他說欣禧是透過內地專才計劃來港的張抗抗教練的學生，並感激張教練為劇組提供了不少重要資訊及創作靈感。Andy最後大讚「雙陳配」有驚喜：「兩位演員都有突破，因為佢哋本身都有小朋友，所以佢哋演時會代入到啲自己嘅嘢入去，演出嚟會多啲層次。」

眼神真係好有火。