Advertisement

黃妍化身一日店長回想兼職日子 用一招踢走鬱悶

本地
2022.06.19
110

photo-resizer-2022_06_19_06_25_10

唱作女歌手黃妍(Cath)日前為《Pain Outside the Boxes》新歌宣傳,現身巡展的小店,在第一站開幕當日又化身一日店長,讓她回想起過去做兼職的日子,並回憶道:「我第一份Part Time係做M記,除咗廚房,炸薯條、水機、執枱其他乜都做過,今日嚟到有種好久違嘅感覺。店員同我講,話好耐未見過咁full,好開心,因為好多小店疫情期間好難過,而家可以互相撐住,佢撐我個campaign,互相幫到好開心。」令Cath感到更開心的是,這次可以與樂迷一起吃喝玩樂,她說:「早排生日嗰段時間,Fans準備咗蛋糕,我都唔夠膽喺街度食,驚俾人告、捉,但而家光明正大食嘢,同埋Serve(侍奉)大家,幫大家Deco(裝飾)點嘅芝士蛋糕,係好開心嘅一次活動。」

photo-resizer-2022_06_19_06_25_00

這次《Pain Outside the Boxes》以百子櫃形式呈現,每個小櫃桶內都有Cath精心炮製的小卡,她分享這次創作概念道:「我特登列出唔同種類嘅痛,就住唔同嘅痛寫咗啲良方,啲良方可以好無聊,例如沖涼、踩單車等等,有時鑽咗牛角尖,唔知道用乜嘢方法令自己情緒減輕,希望多啲朋友可以接觸到,透過呢個concept可以處理返自己嘅心病。」在其中一張小卡,透過AR技術會見到Cath在鏡頭前大叫,她笑言這是最常的事情:「我發現我遇上一啲困難時會大嗌,有時抑壓住,覺得好鬱悶好想洩咗道氣出嚟,就算只係『哼』一聲,將所有情緒集中喺聲音裡面釋放出嚟,嗰下係好爽,好舒服又最快,因為例如煮飯、瞓覺、食嘢都有個時間、過程,但大嗌係好快,同最直接地將自己情緒洩走咗,所以我成日都會做。」

姜濤 MIRROR 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹