在荃灣豬肉檔工作的威威（劉宋威），忽然奇蹟地成為紅人，不止受到粉絲愛戴，更被不少廣告客戶睇中，短時間內接拍了不少廣告，但隨之而來的是一些負面傳聞，日前網上流傳出一張疑似是威威赤裸上身，滿佈紋身的照片，更有傳他曾經「行古惑」。昨天深夜，威威在社交平台上載視頻，回應有關傳聞。
影片中，戴着口罩的威威，並沒有往常的神采飛揚，平日雙眼皮的眼睛，也變成了單眼皮，不知是否哭過？抑或為傳聞失眠所致？
他在講述感受過程中，不斷哽咽，他說：「我只係一個普通屋邨成長嘅人，都係基層出身，亦唔係大家所講嘅黑社會。點解喺屋村長大就係一個黑社會？點解有紋身嘅人就唔係好人？就要俾人歧視？點解我自己嘅事業去賣豬肉，就會揸把刀去斬人哋？」
威威又說：「之前聽過好多人講『人紅是非多』，實會俾人攻擊，但而家自己明白呢個道理，自己感受到係幾大壓力，幾唔開心。但冇辦法，把口生係人哋度，我控制唔到，我只係可以做好自己，希望大家唔好成日標籤有紋身嘅人或者屋村長大嘅人，就係黑社會、就唔係好人。」
最後威威向支持他的人道謝，並表示有計劃再度紋身：「其實我都搵咗一個紋身師傅，幫我設計一幅紋身，係紀念返威威豬，紀念呢一刻自己嘅存在，遲吓俾大家睇吓，我自己搵師傅設計嘅威威豬紋身。我好多謝喺呢個幾月一直支持我嘅朋友，都好愛護我關心我，衷心感謝大家。」
他並留言：「我會繼續努力，做好自己，多謝大家！」
