Advertisement

宋宛穎隔空與媽咪對話謝親恩 文寶雪靚足32年母女似姊妹花

本地
2022.06.13
撰文:Rita
宋宛穎在節目中與媽咪隔空對話,也是她當選港姐後,媽咪首露面。
宋宛穎在節目中與媽咪隔空對話,也是她當選港姐後,媽咪首露面。

2021年港姐冠軍宋宛穎(Sabrina)的靚靚媽咪文寶雪(Michelle),曾參加1990年澳門小姐,並在1991年與袁詠儀一起參選國際華裔小姐,不過自Sabrina當選以來,媽咪一直沒有亮相,照片都是當年選美照。
全因疫情關係,Sabrina也有一年沒跟媽咪見面,在昨晚播出的節目《日日媽媽聲》,Sabrina透過節目與身在澳門的媽咪隔空對話,也是Michelle在女兒當選港姐後首亮相。為感謝母親多年來的照顧,Sabrina撰寫親筆信、並感性地讀出內容:「為咗照顧我哋成長,你付出咗人生最美好嘅年華,咁耐以嚟你都冇講過一句辛苦,所有嘢你都諗咗我哋先,好少會考慮自己。雖然我哋家庭睇落唔係好完美,但你令我覺得能夠喺呢個家庭成長,係有幾咁幸福同幸運,希望過去呢22年我有Make you proud,同埋我將來做嘅嘢都Keep making you proud!」Michelle聽到女兒真情剖白後,忍不住流下了感動的淚水、場面感人。

自選澳門小姐至今靚足32年的Michelle,隔空與Sabrina同框時,看上去更像姊妹多於母女。談到獨力撫養一對孖女長大,Michelle坦言兩位女兒給予其很大動力:「佢兩姊妹做任何事都好自律同自覺,見到佢哋咁懂事,我就算幾艱苦同唔開心都會撐落去。」Sabrina則感恩與媽咪關係像朋友,並大讚媽媽是其心目中的女超人。

媽咪同孖女,看上去更像姊妹多於母女。
媽咪同孖女,看上去更像姊妹多於母女。

另外,節目中兩位星媽朱凱婷、梁芷珮齊分享育兒心得,「旅遊達人」梁芷珮自言特別認同芬蘭的教育制度,更曾讓小朋友嘗試Home School一年,她說:「當地學生好多嘢都喺學校出面學,好似學計數咁,佢哋會帶小朋友去超市買嘢學習,好少喺學校坐定定上堂,會去好多動物園、博物館,嗰一年Home School我帶咗小朋友去好多博物館學嘢。」同樣熱愛旅行的朱凱婷,亦認同親身體驗對小朋友學習更有成效,而且一家人去旅行還能增進感情。

朱凱婷、梁芷珮齊分享育兒心得。
朱凱婷、梁芷珮齊分享育兒心得。
陳卓賢 MIRROR 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹