Advertisement

張天賦開騷緊張到手顫 洪嘉豪唱半個鐘三首歌唔夠喉

本地
2022.06.12
899

022_20220611_117

藝術舞台ARTSTAGE音樂及藝術表演,昨晚(11日)第四場演出,由洪嘉豪及MC張天賦擔任表現嘉賓。獻唱三首歌的洪嘉豪,首先自彈自唱出《24/7戀人》,之後再送上《活人鏢靶》,他表示原本想唱出較side track的《救》,但最終決定改唱樂迷較熟熟的《逆時車站》。

洪嘉豪雖然自彈自唱了三首歌,但感覺不夠喉,無奈時間有限未能多唱幾首,他說:「大家都知我同MC有首合唱歌《聖誕很忙》,但係一直都未有機會唱俾大家聽。」歌迷聞言即不斷歡呼,他卻笑說:「哎呀,覺得有啲對唔住大家,今晚大家都唔會聽到呢首歌嘅,但遲啲會有機會。今晚天雨路滑,大家小心地滑呀。」之後介紹接力演出的MC出場。

MC唱出第一首歌《反對無效》後,自言不僅是跟洪嘉豪水火不容,連跟在坐的觀眾亦是水火不容,他解釋:「因為下晝咁大雨大家都喺度等,咁極端嘅天氣都等,所以大家對我哋嘅愛都係唔會溶㗎!」台下歌迷即大叫:「為咗你係值得㗎!」由於是晚全場爆滿,當中不少歌迷都站起來欣賞演出,為免最後排fans被擋着,MC在台上呼籲:「大家盡可能坐低,燈牌都係唱完歌先舉,因為要顧及後排觀眾,唔想佢哋睇唔到。」接着,MC再唱出《Boyfriend material》及《時候不早》,雖然在台上已唱了三首歌,但他的心情仍相當緊張:「我頭先喺後台緊張到手顫,其實我隻手而家都仲顫緊。」他又感激歌迷一直支持自己,令他由餐廳的小舞台,走到今日這個戶外場地,並為眾人送上最後一首歌《記憶棉》。

洪嘉豪和MC完騷後接受訪問,直言唱得不夠喉,所以在9月合體舉行演唱會中唱個夠,洪嘉豪被問到屆時會有甚麼特別演出,他表示:「我有華納舞王之稱,到時跳舞都可以嘅。」但他不會跟MC在演唱會上鬥舞,笑說:「自己跳舞都未搞得掂,唔好鬥啦。」身旁的MC則透露6月底將會推出新歌:「另外我同嘉豪都會有首演唱會主題曲,就會喺八月中出嘅。」

028_20220611_k_26

姜濤 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹