林芊妤（Coffee）老公霍志榮日前生日，由於仍未能出發去旅行，Coffee特別訂了一間靚靚酒店房，一家三口staycation慶祝。慶祝過後，Coffee在社交網上載囝囝霍德彥不捨得離開酒店的哭哭片段，發文指囝囝四度說喜歡酒店多過媽咪，「彥彥話重要的事一定要講四次，你鍾意酒店定媽咪多啲？彥彥話酒店（堅定）。間中會帶囝囝住酒店，佢前1秒仲同酒店崩潰表白，大叫：I love you。嗰刻我以為佢同我講I love you，點知佢話係同酒店講，笑死我同老公。不過佢失戀嘅情緒只係維持咗一個鐘，返到屋企就咩都唔記得晒，果然係男人。」不少網民留言指霍伯伯的失戀樣很搞笑，真係好sad呀，陰功豬。
