Advertisement

關心妍20周年演唱會 囡囡心心助陣打筋斗

本地
2022.06.05
962

whatsapp-image-2022-06-04-at-11-38-48-pm-4
《關心妍 Jade Kwan 約 20週年演唱會》於今晚於紅磡香港體育館舉行,一眾圈中人到場支持,包括羅傑承、蔡一智、蔡一傑、施南生、譚嘉儀、等等,而後台亦佈滿花籃為Jade打氣。
約下午5時左右,關心妍、音樂總監Johnny Yim 和主辦單位出席拜神儀式,丈夫楊長智及囡囡心心亦現身支持,一家人亦到場館內祈禱,希望個唱順利舉行。

到晚上8時20分左右,關心妍身穿由陳華國設計的銀色閃裙現身,兩側高叉大騷美腿艷壓全場,苦候多年的歌迷用熱烈的掌聲支持偶像,見到Fans的熱情,她也忍不住眼濕濕。Jade一口氣唱出多首金曲,包括《負擔不起》、《龐背21世紀》、《優先訂座》等等,她台上表示極速籌備今次個唱充滿挑戰,但仍以最佳狀態完成與歌迷的約會:「今次演唱會主題叫做約,約係一個信念,一份堅持,一個盼望。好耐以前上帝用彩虹與人立約。我哋世界好紛亂但我哋要有盼望,抬頭望天空就知道上帝睇住我哋,就算幾大雨都好,雨後一定會有陽光。雖然呢個演唱會好急,好驚心動魄,但係我帶住一份Mission,一份堅持同信念,希望今日每一個你都有一個愉快嘅晚上。我特別珍惜呢次演唱會,雖然呢次演唱會比我之前任何一個演唱會都艱難,但今日見到你哋每一個我覺得好值得。」

whatsapp-image-2022-06-04-at-11-38-48-pm-20

今次Jade狀態十足,除了獻唱金曲外,更騷她的音樂才華,一時自彈自唱鋼琴,更從台頂吊下色士風演奏。而囡囡心心亦擔任個歌嘉賓,母女檔合唱《SMILE》令樂迷非常興奮。不過當囡囡心心上台打筋斗時,Jade就顯得緊張:「我多謝天父帶咗呢位小天使比我,楊榮心我等咗你好耐啦!聽講你想喺紅館打筋斗,今日終於願望成真啦?你洗唔洗拉吓筋先?得唔得㗎?」

姜濤 星級企業大獎2020 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹