Advertisement

十八年後的終極告白2.0|「癲婆」趙希洛喊有唔同層次 27歲鄧卓殷演活中學生

本地
2022.06.04
519

08
《十八年後的終極告白2.0》自開播後,焦點一直集中在三位女主角-譚凱琪、龔嘉欣及趙希洛(Candice)身上,有網民留言表示希望譚凱琪與趙希洛鬥瘋癲。因為連環遭受小產打擊,趙希洛飾演的宋慧琪(Joyce)留院期間哭了又哭,先是對着老公Jason(陳山聰飾)「欲哭無淚」兼自責的問道:「BB明明佗得好哋哋,點解突然之間冇咗…係咪我做得唔好…」再來情緒Level  Up,掛着兩大行淚水走上醫院天台企跳:「我真係接受唔到呀!我發夢仲見到我哋個BB,佢喊得好慘,好想抱佢,但我抱唔到佢…」

對着老公Jason(陳山聰飾)「欲哭無淚」
對着老公Jason(陳山聰飾)「欲哭無淚」

不少網民對於Candice天台喊戲直呼印象深刻,大讚演繹有層次。Candice及後在社交網上載拍攝花絮照,並透露原來為了該場戲喊足4.5小時!Candice事後受訪時坦言兩場喊戲均做足功課,與教戲老師討論了不少細節位,「每一種痛嘅演繹方法都有好大分別,好感恩大家有留意到。每場喊戲我都分咗唔同嘅程度,因為每個人就算經歷同一件事,未必每次嘅哀傷都係一樣。」由於Candice的「癲婆」演出太深入民心,網民期待她再登「癲」峰,對此監製王偉仁笑言Candice該兩集演出只是「小菜一碟」,隨着劇情發展她將延續「瘋狂的血」,帶給觀眾前所未有的官能刺激:「大家應該從來冇見過咁嘅趙希洛。」

screenshot-2022-06-04-at-12-06-04

昨晚一集亦有新角色登場,便是飾演龔嘉欣14歲妹妹沈曉彤的鄧卓殷(Amber)。雖然Amber已年屆27歲,飾演與真實年齡相差13年的學生妹卻零違和,日前Amber在社交網上載劇照,獲不少網友畀Like留言:「唔似14歲,似13……」、「嘩~巧似未成年少女呀。」

22

Amber受訪時分享扮演學生妹心得:「會觀察表妹平時嘅舉動同埋語氣,第二睇完劇本後唔好諗得太複雜,因為小朋友比較直率。」另外又分享三大貼士,就是空氣劉海配鬢辮以及校服,Amber笑言穿上校服之後立刻覺得自己是學生,她又謂難忘龔嘉欣對她的照顧:「有一場情感戲,嘉欣捉住我對手講返我哋戲入面嘅處境,即刻幫到我入戲,啲眼淚衝出嚟,好感謝有佢。」

MIRROR 陳卓賢 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹