唱《我鍾意》獲梁詠琪讚可愛　炎明熹掛住梳劉海錯過太多

Gigi以懷舊Look上陣展現可愛一面。

炎明熹（Gigi）與魔動閃霸在昨晚播出的《聲生不息》節目PK對唱《我鍾意》，懷舊Look上陣的Gigi大曬「Gi式可愛風」獲不少網民大讚，連帶由梁詠琪（Gigi）的原唱版本也順道被熱搜。梁詠琪留意到相關熱潮，留言大讚Gigi可愛。

唱《我鍾意》獲網民大讚。

+1

昨晚一集大玩男女組合PK對唱，Gigi一心想與毛不易老師合作，原來亦是毛毛想合作對象之一，只可惜因她為了整理儀容反鎖了門，錯過了毛毛的邀請。當得悉後，Gigi一度方寸大亂，但在慌忙中不忘用梳打理齊蔭，此舉亦引起網民關注，紛紛留言可愛、搞笑；微博話題「#炎明熹因為梳劉海錯過太多」更吸了逾千萬閱讀量。

炎明熹因為梳劉海錯過太多。

Gigi今早接受無綫娛樂新聞台專訪，揭開在節目中梳不離手真相，是因為當時要見老師，所以想梳好個頭以表尊重。她又十分感激造型師及髮型師為她設計出招牌齊蔭，坦言：「最初看到自己齊蔭樣好想笑，但之後開始習慣，同埋大家會好認到我呢個齊蔭。」Gigi更預告「招牌齊蔭」即將會有改動，令人期待。

Gigi有解釋成日梳劉海原因。