Advertisement

40歲新開始 衞蘭不再為別人減肥

本地
2022.05.26
290
撰文:齊森

衛蘭相隔4年再踏紅館,《Janice Be Still Live 2022》將於7月9-11日舉行,今次Janice親自參與很多演唱會製作,希望讓大家見到一個全新的衛蘭,她說︰「今次會開四面台,希望可以近些同歌迷互動,今次參與很多製作和揀歌,不停開會研究,演唱會名都係我構思,因為之前疫情,一個人坐喺屋企,經常都有亂諗嘢,有擔心有憂慮,世界會變成點呢?我又會變成點呢?然後就睇到一句經文『Be Still』,希望藉此提醒自己及大家,世界被疫情和各種不穩定情況下所困擾,但必需保持心靈平靜。」
今年踏入40歲的Janice,自覺人生目標更清晰,「女人40是一個好開始,我覺得好開心、好健康,同埋好放鬆,我仲覺得自己好似新人咁,因為音樂是無限探索的,仍然有跟老師學唱歌,因為我唱歌有啲壞習慣,喺咬字及運氣上未運用到最好,所以要有改進。」Janice為增強體能,她亦展開地獄式訓練,她笑言,以前減肥為別人而減,現在減肥為自己的健康,每天會舉啞鈴和跑步,努力下清減不少,「原來自己舉啞鈴可以去到好盡,愈舉愈重,都幾劇烈吓,雖然辛苦,但是對自己練氣很有用,希望到時演唱會大家可以見到線條美。」

聲夢傳奇 MIRROR 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹