《THE NEXT 20 張敬軒演唱會》昨晚（20日）來到第九場，紅館再次放寬座位至七成多觀眾入場，氣氛熱烈，尖叫聲也比之前八場更大，許廷鏗（Alfred）擔任表演嘉賓，上來「拜見皇上」當然也有帶備禮物，軒仔笑問：「唔係又係紙製品嘛？」Alfred說：「真係紙造喎，個包裝係紙造‥‥‥」原來他帶來最新推出的黑膠大碟，表示：「我呢隻唱片已經賣曬㗎啦，每一隻都有編號，你呢隻係冇嘅，不過你唔好以為我唔尊重你，冇編號係因為呢隻係第一隻印嘅唱片，所以係最特別有紀念價值。另外我知你好重視音質，呢隻碟我係搵太極德哥（劉賢德）同我試音，而試機嗰日，佢第一隻攞出嚟試機嘅歌，就係你嘅歌！」
軒仔知道後十分開心，接過貴重大禮，說道：「好開心呀，佢會成為我日後Hi-Fi試音碟。」接着，Alfred又拿出即影即有相機，要求自拍留念，但因為緊張手震，弄了很久也未拍到，相當搞笑。
