出道十年的鄭欣宜（Joyce）在ViuTV的《CHILL CLUB推介榜 年度推介21/22》奪得女金後，隨即公布於六月十至十二日舉辦紅館個人演唱會，並預訂部分巴士車身廣告，為個唱宣傳造勢，誰知開賣第一日便售罄，宣傳活動頓時變慶祝巡禮。
欣宜昨日現身九龍灣巴士車廠，原以為團隊訂購五輛巴士車身廣告，到場才發現是三十七輛，甚為震驚的她，不禁哭出來，表示感覺不真實，大讚幕後團隊：「成個團隊用咗好多心機同時間，由諗演唱會個名，到影海報，好多構思慢慢呈現出嚟，加埋公開發售有咁好成績，所有嘢加埋，好感動！」
距離演唱會不足一個月，欣宜繼續努力練舞，坦言：「周身瘀晒，無乜掂到嘅位置都瘀，大髀、膝頭、手指，就連Hip位都瘀咗。可能太瘦，骨杉杉撞到都唔知，哈哈哈！我知大家反應咁好，咁支持我，所以更投入忘我綵排，喺台上做到最好，答謝買飛入場嘅Fans。」相信大家都好期望欣宜屆時的演出！
