熊黛林（Lynn）於2016年與郭可頌結婚後，育有一對孖女。在別人眼中，孖女轉眼已4歲大，但對Lynn來說，第一次當媽就打孖來，當中苦況只有自知。Lynn作客昨晚播出的無綫節目《日日媽媽聲》，就提到湊住孖女真是「冇覺好瞓」。她說：「有時會啱啱呢個瞓咗，另一個就醒咗，跟住可能佢又會嘈醒另一個，成晚係咁循環發生，完全冇瞓過覺。」
反而提到最近復出到內地工作，Lynn開心笑說完全沒掛念囡囡們，終可重拾「一覺瞓天光」的感覺：「好開心呀，之前因為要隔離14日，我從來冇瞓過咁好。」幸而離港數月回到家裏，孖女即送上熱情抱抱，令她甜在心頭：「兩個一齊坐我大髀攬實我，嗰種感覺好冧。」
