古巨基與太太Lorraine育有一名寶貝囝囝古晉匡（Kuson），自愛兒出世後，基仔一直在家照顧Kuson，見證囝囝成點滴。而兩歲大的Kuson亦遺傳了爸爸的音樂細胞，基仔昨晚（4日）在IG分享一段Kuson打鼓的片段，片中見含着奶嘴的他使勁打鼓，相當十分投入！
基仔寫道：「我哋之前買玩具俾Kuson都會買啲樂器玩具，小keyboard 呀、ukulele、xylophone…..不過都係偶然玩一玩。但係唔知點解Kuson早排成日問我話想play drum，於是買咗玩具鼓，早兩日亦送到來，算係兒童節嘅禮物。呢兩日無論瞓醒覺、食飯前、食飯後、臨瞓前，都係打鼓！我覺得好神奇，佢好似好知道自己嘅興趣、天份，自己揀咗一樣我冇特別推薦俾佢嘅嘢～睇見佢咁投入打鼓，幻想下將來Kuson會唔會同爸爸同台演出呢？佢咁鍾意打鼓，唔通因為我幫佢改名叫Kuson？鼓神？ #古晋匡的第一個興趣 #Kuson小鼓神 #第時搵KB教佢 #祝所有大小朋友兒童節快樂健康」
圖片來源：古巨基@Instagram
