歌手洪卓立（Ken）兩個月前，於IG限時動態手誤上載了一張緋聞女友劉沛蘅（Hillary）抱着其家中狗狗的照片，令二人戀情曝光；近日，Hillary頻頻在Ken大圍的寓所出沒，Hillary更被拍到為男方買外賣，傳出兩人同居的消息。
今日（30日）Ken大方認愛，貼出家中3隻狗狗的可愛照，他感謝大家關心，又讚女友Hillary見他見過最善良最有愛心的女仔，「我哋每一日都好開心。其實呢個單位買咗好幾年，我哋亦都係財政獨立，我好開心看到她的發展，而我自己一直都有工作在身，識我嘅朋友都知我從來都靠自己。」Ken又立志努力，令Hillary成為「貪慕虛榮」的人。
Ken又寫道：「不過報道出曬成幢大廈就唔係幾好呢，因為真係驚影響街坊街里，或者記者朋友大意咗，如果下次打番個格仔就好了。希望傳媒朋友高抬貴手俾返少少私隱我哋，大家互相尊重🙏🏼亦對身邊受影響的街坊街里說聲不好意思。多謝關心。」Hillary《膠戰》的好拍檔亦向二人送上祝福，阿正留言：「要一直錫住我家姐 錫到燶，祝福。」肥腸則說：「我想睇你做第三季膠戰嘉賓呀呀呀。」
圖片來源：劉沛蘅@Instagram
