在昨晚播出的《愛回家之開心速遞》，劇情講述林淑敏飾演的大小姐因面部皮膚灼傷，不可以化妝，要遮遮掩掩返工，卻被眾人奉承素顏有如出淤泥而不染的蓮花般清純，給人初戀的感覺，Peter（杜大偉飾）表示擔心她會缺氧，「因為你塊面既皮膚無毛孔，咁點透氣呀？」KC（歐瑞偉飾）也大讚她紅粉緋緋，「成個BB女咁！」趙公子（董敬文飾）也覺得她婚後特別靚，更表示若不是她已經結婚，會與送水輝一較高下。一人一句把大小姐𧨾到眉飛色舞，充滿信心，更素顏上陣擔任護膚品廣告模特兒，最終張掛在隧道口的廣告牌，因過度驚嚇，引致連環撞車。
這一集內容爆笑，網民大讚睇得好爽，大小姐表情搞鬼又好笑；林淑敏素顏演出，網民雖然覺得大犧牲，但盛讚她不單只皮膚好，而且真心靚。林淑敏受訪時透露只塗了護膚乳演出，不過後悔沒有把眉毛塗去，其實拍攝前也有過掙扎，每拍完一個鏡頭，導演都會說：「好靚呀！」以作鼓勵。她在社交平台上載素顏劇照，寫道：「分場話：呢個隧道廣告牌引發十車連環相撞。咁係因為大家都爭住睇唔過隧道？定係嚇到唔敢睇想快啲過隧道？結論：我樣衰係事實，但係我鼓起勇氣！」
林淑敏圖輯：
部分圖片來源：林淑敏@instagram
