Advertisement

無綫禁與李佳芯合照 陳恩德感受辱抽走千萬廣告「樂易玲自己交代吓啦!」

本地
2022.01.26
11.6k
攝影:伍敏慧

昨天(25日),Ali被爆與「蟲草大王」陳恩德Mark秘戀逾一年,Ali就事件在其限時動態發文澄清,並強調與Mark沒有發展過任何關係。

本來今天Ali會出席陳恩德公司旗下的Pet Paws NFT發佈會,不過緋聞爆煲後,公關公司在昨天表明Ali不會出席,改由王丹妮、羅孝勇、蔡潔頂上,而Mark則說因為無綫一些不合理要求,於是主動表示不用Ali出席。

今天發佈會如常舉行,由鄭裕玲擔任司儀,藝人張繼聰、許廷鏗、C AllStar、張天賦、洪嘉豪、陳蕾、張蔓姿、戴祖儀、王丹妮、羅孝勇及蔡潔等人出席,不過論焦點度,當然落在Mark身上。

當問到有什麼「不合理條件」時,Mark說無綫昨天通知他,如果Ali出席今天的記者會,不能跟他合照,連大合照也要分隔一段社交距離,他覺得不被尊重及不合理,他說有私下致電Ali,問她是她的意思還是無綫的意思?「當初佢冇覆我,後來覆電話係無綫意思,我覺得好唔尊重囉,所以咪唔用Ali。我有我立場,呢個係TVB嘅問題,我哋亦出晒信去投訴,我亦都抽晒所有TVB廣告,即係我覺得以我一個每年用過千萬元計嘅客戶而獲得咁嘅待遇,我覺得佢哋簡直侮辱緊我。(有沒有討論件事或和解?)我諗樂易玲自己交代吓啦!」此時,Mark的律師搭嘴:「啱啱老闆講過,出信去TVB,我哋會書信來往,尋求達成共識,我哋希望咁樣。」

對於與Ali的合照被公開,Mark強調不是他發放:「我只答一次,啲相一定唔係我攞出嚟,我唔會再答,你哋都唔需要問我,我都好遺憾。」

whatsapp-image-2022-01-26-at-15-40-41

至於怎看Ali發聲明劃清界線?Mark再說:「佢想點講都冇所謂,喺我原則就係,唔好特別傷害佢喇,佢係一個好人。」

姜濤 星級企業大獎2020 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹