Advertisement

相隔九年出大碟|落重本打造華麗紗裙 泳兒:成個客廳咁大

本地
2022.01.25

screenshot-2022-01-25-at-1-46-31-pm

於今年首兩個樂壇頒獎禮成績突出的泳兒(Vincy)睽違九年,昨日(24日)推出全新廣東大碟《Dark Light Of The Soul》(《花開溝渠、葉落冰川》),Vincy表示大碟的出現,完全是一個「意外」,「三年前開始暗黑系列嘅曲風,一直都冇諗過出碟,只係想製作一個同我以往完全唔同風格嘅系列曲風,但一路行落去嘅時候,外間嘅反應都幾受落,公司亦都好支持,然後就提議不如出碟,所以今次完全係意料之外。」

screenshot-2022-01-25-at-1-46-19-pm

相隔九年再次出碟,Vincy坦言緊張又興奮,「對上一隻大碟應該係2013年,再出梗係緊張,同時今次係我出碟以嚟最興奮嘅一次,因為三年嘅結晶,亦都係暫時嚟講係我最鍾意、最代表到我嘅大碟。」大碟共收錄十一首歌,以六個造型登場,當中以紅色ruffle裙最為搶眼,裙擺的範圍大到足以覆蓋整個拍攝棚,認真誇張,「其實條紅色大裙係郁唔到,我係要行入條裙入面,着咗之後係唔可以郁,因為真係好大,大到可以收埋十個小朋友!好似一個客廳咁大!」除了「客廳裙」,Vincy在拍攝「空中瑜珈」造型時亦十分深刻,發生不少趣事,「其中一個造型我好鍾意,就係喺個網入面,好似『空中瑜珈』咁吊起,然後擺好多唔同動作,不過大家太睇少我嘅重量,睇我外形以為我好輕,以為可以凌空吊我上去,其實我都有啲份量,哈哈。所以喺試坐時,條帶承受唔到我嘅重量,最後我哋係喺地下完成。」

 

 

MIRROR 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹