女團COLLAR成軍不足兩周便接下首個代言廣告，今日（24日）8名團員出席發布會，她們以露腰運動裝出場跳唱新歌《Call My Name!》炒熱氣氛，除了進行簽約儀式外，又大玩遊戲。
提到COLLAR出道十多天已有代言工作，她們表示十分興奮、驚喜又榮幸，Marf表示：「我哋都係前兩日先收到通知，跟住就排舞，時間好緊湊。」她笑說最想拍飲食廣告。問到COLLAR是否已接了不少廣告，隊長Gao稱不清楚，目前每日都為演唱會備戰，她又預告COLLAR會推出新歌，但曲風仍未落實，為亦將會是運動飲品首支廣東話廣告歌。
另外，經理人Wing早前爆原本Win Win是女團人選之一，對方卻拒絕入團，Gao說：「冇話邊個取代邊個，我哋本身都喺度，都係想選擇呢啲人。（即係原本女團有9人？）我哋唔知。希望大家喺唔同路上都開心，希望將來有機會合作。」而Marf則認為Win Win不入團，對COLLAR沒有影響：「因為成立COLLAR起就已經係我哋8個人，造星係一個小舞台，出面世界好大，仲有好多唔同空間去發展，唔止Win Win，仲有其他成員都係。」
近日有網民起底Day是混血兒，Day亦承認自己是尼泊爾混香港，「其實冇咩特別，因為都係事實嚟。」Day續拍不擔心被起底，「呢啲始終都係過去。」Winka稱：「我覺得過去發生事唔代表現在，重點係現在我哋要成為點嘅人。」
