ViuTV選秀真人騷《全民造星IV》上年聖誕節（25日）舉行總決賽，邱彥筒（Marf）、沈貞巧（Gao）及Day（許軼）分別奪得冠、亞、季軍，直接成為女團一員。ViuTV前日發佈女團最新消息，以「HOLD YOUR BREATH」作口號，並上傳各女團成員身體部位拍攝而成的片段作提示。
今日（12日）由8人組成的女團終於成軍，下午6時半就會舉行出道記者會，經理人戴穎屆時將公布女團名以及公開其他6位成員，引全城熱議名單，有不少人猜測王家晴（Candy）、蘇雅琳（Ivy So）、陳泳伽（Winka）、李芯駖（芯駖）和蘇芷晴（So Ching）亦會是成員之一。
而一班「我老婆嫁左比mirror導致婚姻破裂關注組」的苦主更趁機起義，設立分支「前夫反擊戰」羣組，更揚言要振夫綱，成員已逾達4.5萬（截至12日下午5點），前夫紛紛留言：「君子報仇，十年未晚」、「今晚開始教啲細路認新媽咪！」、「我都忍得隻老虎耐啦！明晚攞正牌出軌！做左十幾年乖乖仔，明天以後，我要哂女團八個！」、「快啲出底褲、EPS、電話、保險，乜都買晒佢，我日日排隊買自己既野！我現在宣佈以後無時間排隊買Mirror既野，要排自己排」、「個佬追緊女團而你介入人地可以叫『小三』」、「大家都忍辱負重左3年啦，係時候啦！前夫們出擊啦！」、「過埋今日阿Day將破壞好多家庭」、「我以為三年又三年，三年又三年！估唔到三年就可以一個絕地大翻身！Come on 女團Baby…..」、「各位前夫小心小心，反擊還反擊，留意前妻有無買定玻璃！」、「終於可以霸番間屋」、「Marf世一，唔講咁多」、「吹起反擊節奏」、「全家一致通過Day！屋企嘅牆ready 」等等。
部分圖片來源：ViuTv、Marf、Gao、Day、WINKA、So Ching、Candy、Ivy So、芯駖@Instagram
