Advertisement

翟伯伯嘴仔因咩事發炎? Coffee:凡事要及早了解同認識

本地
2022.01.12
撰文:TSO PUI YU

202609988_297231675468127_1196223923590769556_n

林芊妤(Coffee)早前在IG表示3歲兒子「伯伯」翟德彥,因為嘴唇受到細菌感染,而慘變「鴨仔嘴」,她心痛發長文:「BB第一次,紀錄一吓自出世後第一次去醫院。」Coffee昨晚在IG更新彥彥的情況,他貼出數張彥彥看兒童牙齒專科的照片,相中見彥彥戴上護眼鏡,持鏡子照牙齒,又露出一副得戚的樣子。

彥彥早前慘變「鴨仔嘴」
彥彥早前慘變「鴨仔嘴」

Coffee稱與任職牙醫診所的網友傾談後,得知彥彥牙齒的嚴重性,「可能係曾經撞到、牙齒倒及生或者蛀牙,都會導致生牙瘡。同埋原來唔根治個根源,佢嘅牙瘡會不停復發同導致要剝牙,我聽完即刻周圍搵牙醫門診,好多都同我講唔接五歲以下嘅小朋友,然後各位媽咪又話俾我聽,原來牙科有分兒童牙齒專科同普通牙科。跟住仲得到好多人嘅醫生推薦。」

271294232_495590928590986_7319845763008578481_n

Coffee昨日終於帶囝囝見兒童牙科醫生,更發現彥彥有蛀牙「個醫生真係好詳細咁解釋,然後就發現所有嘢都有關連架,之前牙齒崩咗因為佢有蛀牙,面腫就係因為有蛀牙生牙瘡嘅原因。我想講BB係早晚都有刷牙架,我望到佢排牙白雪雪真係唔覺佢有蛀牙,以為佢排牙好乾淨,醫生話因為佢夜晚飲奶習慣,好彩我最近已經幫佢戒咗夜晚支奶,而佢隻門牙之前好似撞崩咗。原來唔係因為佢撞崩咗,原來都係因為蛀牙。」

她感謝所有私訊幫過她的人,又提醒新手媽媽要帶小朋友定期做牙齒檢查,「如果再拖落去真係唔知道會點,同埋都想同所有媽媽講,記得一定要定期帶小朋友去檢查牙齒,就算佢好細個都好,就算佢排牙睇落好乾淨又白雪雪,都一樣要定期做詳細檢查。尤其係飲奶粉嘅BB,如果唔係就好似彥彥咁,搞出個大頭佛㗎啦。同埋兒童牙科要做杜牙根費用都唔平,而且醫生話唔好用可吞食牙膏,因為係清潔唔到牙齒㗎,BB平時用黑人牙膏佢話OK,所以希望透過我嘅分享,令到所有新手媽媽有所得着,凡事要及早了解同認識,我哋繼續學習。」

圖片來源:林芊妤@Instagram

星級企業大獎2020 陳卓賢 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹