Advertisement

分享康復過程|曾與未婚夫加國染疫 鄧小巧:做足要做嘅措施

本地
2022.01.07
1.8k
撰文:TSO PUI YU

236786883_1007619603318493_1650915828621979534_n

歌手鄧小巧在去年除夕日(12月31日)報喜,宣布獲外籍男友「白先生」求婚,即將榮陞做人妻的她今日(7日)更新近況,她自爆去年4月去加拿大探白先生期間,兩人一同確診新冠肺炎,小巧撰長文跟大家分享經歷和康復過程。

小巧寫道:「今日打呢篇文,只係想同大家分享我真實經驗,等大家對感染Covid 嘅人有第一身理解。但當然我嘅經驗唔可以代表全部人,但都希望幫大家理解多少少。當時有唔少朋友話:唔好俾人知你中過啊。但其實,點解呢?點解要咁恐懼呢?知道多啲唔好咩?」

screenshot-2022-01-07-at-5-39-11-pm

小巧透露出現病徵後去做檢測,「喉嚨有少少痕癢,我就去做檢測,一日後醫療單位打俾我,話我確診。然後問我有冇背痛、發燒、咳嗽等各類症狀,然後叫我在家休息隔離10日。冇錯,喺加拿大如果你唔係重症例如有呼吸困難、心臟問題等佢哋都係叫你在家隔離,因爲差不多時間白先生都有朋友感染,有啲人比較嚴重但都係在家隔離。早前睇一個報導話印度有個男仔染病後自己喺樹屋度隔離,然後『神奇』好返,講到好似染病就代表一切完結咁。而其實大部份嘅人都會靠自身免疫力慢慢康復,然後產生抗體。」

screenshot-2022-01-07-at-5-39-04-pm

她詳述康復過程,「第一日嘅症狀係肌肉痛同全身無力,頭重重但冇發燒;第二日開始喉嚨痛,有鼻水,但肌肉痛同全身無力頭重重等已經開始變得好輕微。期間白先生投餵大量維他命C 、D 及zinc,同埋普通舒緩感冒徵狀嘅西藥;第三日冇喉嚨痛但有鼻水,開始冇咗少少嗅覺,但頗精神;第四完全失去嗅覺及部分味覺,有鼻水同痰及少少咳,精神唔錯;第五日一樣;第六日 嗅覺開始返嚟;第七日,人好精神,少少咳少少痰然後,味覺同嗅覺都返嚟啦。」

小巧又表示身邊不少朋友曾感染新冠肺炎,未婚夫患糖尿病的舅父更不幸染後死亡,但大多數的人染病後均繼續生活、工作,小巧認為大家「唔好當Covid係世界末日」:「喺加拿大,由於好多人感染,每個人身邊總有幾個人曾經染病,大部份嘅反應都係鬆鬆膊頭,然後:哦。病咗幾多日啊?然後繼續生活、工作。我唔係叫大家掉以輕心,叫大家當Covid係一個joke(某啲社交限制措施先係一個joke,唔洗我補充),但亦都唔好當Covid係世界末日。我只係想同大家講:做足要做嘅措施,其他就交俾個天。足足兩年,總不能喺恐慌同擔憂中度過。我唔知道點樣理解清零政策同隔離政策同疫苗政策,但我相信未來只有更荒謬更可怕嘅事情發生。」

dqiyof0motrnbzsmosvsu1lkzcrd-btv82aoqpngkea

星級企業大獎2020 聲夢傳奇 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹