貴為「最受歡迎男歌星」的古巨基，音樂基因不怕後繼無人，皆因快兩歲的兒子古晉匡（Kuson）已遺傳了爸爸的歌喉，基仔昨日在社交網分享影片，Kuson拿着咪高峰「試咪」，唱出《ABC》，爸爸媽媽在旁邊和唱提點，儼如爸爸當年得獎時所說：「我真係好鍾意唱歌」！
基仔以《古晉匡元旦演唱會》正式開始來介紹這段影片，連英文名字也想好，表示：「《Kuson Live 2022》，首次演繹世紀金曲《ABC》！」網民都覺得Kuson唱得好，跟爸爸一樣有明星風範，「真係一眼就知道係你個仔，宜家連望都唔洗望，聽聲都知道係Kuson」、「個仔唱歌嗰樣直頭係遺傳古爸，但會唔會手汗多整跌咗枝咪」、「人哋嘅歌技咁好，下次係咪要換隻高level嘅咪啊，仲要有防水套添」、「古爸爸幾時開演唱會？帶埋Kuson上台一齊唱返首歌啦」。
圖片來源：古巨基@Instagram
