Advertisement

觀眾起哄奉旨親密 張敬軒獲七師傅肉嘴加持

本地
2022.01.01
1.1k
撰文:Dason Chan

sal_6528a

張敬軒紅館演唱會昨晚除夕夜來到第七場,倒數前由MC $oHo & KidNey及Kayan9896擔任嘉賓。軒仔與觀眾一起倒數,迎接2022年的到來,之後又全場大合唱《倒轉地球》,氣氛熾熱。

倒數後,七師傅出場擔任壓軸嘉賓,觀眾情緒高漲,整個紅館傳遍震耳欲聾的歡呼聲,之後軒仔與七師傅展開一段令人捧腹大笑的對話。

eor52712

軒仔:大家見到我未婚妻咁開心‥‥‥

七師傅:吓,我哋乜都未做過喎,咪好唔抵囉。

軒仔:你又講得啱,但係我好保守,有啲嘢,我要結咗婚先做‥‥‥你今日綵排叫我咩話?你記唔記得?

七師傅:老公‥‥‥唔係‥‥‥軒公

軒仔:我今日聽到呢個字,個心離一離,新年流流‥‥‥

此時此刻,七師傅已悄然無聲地牽着軒仔的手。

sal_6677a
七師傅:你隻手咁凍,你係咪嚇親?做足18場,日日咁唱係好辛苦。

軒仔:你帶溫暖俾我咪得囉,你有咩秘方教我補吓身?

七師傅:下一世唔好做歌星啦,太辛苦啦!做國王算啦你。

軒仔:吓?國王後宮佳麗三千,我個腎點搞?

七師傅:你只獨愛一個咪得囉。
eor52736

七師傅擔任表演嘉賓,當然要高歌一曲,她選來鄧麗君的《月亮代表我的心》,表達對軒仔的愛,之後觀眾更起哄,大叫軒仔「咀佢」,但他似乎聽不清楚。軒仔問:「咩話?娶佢?哦‥‥‥咀佢!」七師傅一臉認真:「我OK㗎!」但軒仔用疫情來推卻,豈知七師傅竟說:「但係你聽吓佢哋啲聲,所以我希望疫情早啲退啦!」軒仔知道盛情難卻,便問:「錫塊面得唔得呀?」七師傅說:「錫邊度都得!我唔會諗啲邪嘅嘢。」當軒仔獻吻後,七師傅又發功,「使唔使回禮㗎?」把軒仔笑彎腰,笑說:「呢啲嘢一不離二,二不離三,嚟啦!」

sal_6815a

軒仔得到七師傅嘴唇加持,笑言今年一定好運過人,又請她指點來年運程,七師傅回答:「我計過你條命啦,西面最適合你,你一路向西啦!成個紅館都係西面,我俾個錦囊你,你帶睡袋行李搬來紅館住啦。」接着,七師傅拿出一個垃圾袋,送上一個能量塔,「我本來想送層樓俾你,但係我又驚爆緋聞,啲人話我包養你,所以我用好長時間,自己親手做份禮物俾你,個垃圾袋係因為出嚟太趕啫。」七師傅以一貫語出驚人的話,再度引發哄堂大笑。sal_6829a

MIRROR 聲夢傳奇 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹