Advertisement

萬千星輝頒獎禮|準視帝視后 靚衫前哨戰

本地
2021.12.30
12.1k

大台盛事《萬千星輝頒獎典禮2021》將於本周日(1月2日)隆重舉行。今年頒獎禮加入不少新元素,除了提前選出五強名單、在頒獎禮當日新增由現場傳媒投票選出的「最佳衣著藝人」外,一眾五強候選人早前更齊齊著靚靚為頒獎禮拍攝場刊,包括(排名不分先後)陳展鵬、譚俊彥、馬國明、張振朗、李佳芯、林夏薇、黃智雯、鍾嘉欣、姚子羚、周嘉洛、陸永、胡鴻鈞、滕麗名、姜麗文、張頴康、泰臣、朱敏瀚、羅子溢、黃子恆、陳自瑤、麥美恩、劉佩玥、何依婷、鄭子誠、周奕瑋、林溥來(Patrick Sir)、李思捷、森美、朱凱婷、梁芷珮、吳幸美、譚玉瑛、林正峰、羅天宇、馬貫東、丁子朗、黃庭鋒、陳瀅、王灝兒JW、王敏奕及游嘉欣,眾人更分別接受了無綫娛樂新聞台及東張西望專訪,大談賽前感受及心水得獎人。當中鍾嘉欣及梁芷珮更是完成隔離不久便趕來拍攝場刊;至於因工作關係未能抽空現身拍攝場刊的鄭嘉穎及陳貝兒,則由大會另作安排。

最佳男主角最後五強

+1

今年一眾視帝候選人均十分謙虛及禮讓,馬國明及鄭嘉穎異口同聲點名睇好譚俊彥,對此譚俊彥坦言感恩,並笑謂:「我要多謝兩位師兄咁客氣,尤其馬明,佢曾經同我講過好多好鼓勵我嘅說話,多謝你哋,亦都承你哋貴言呀。」另一同樣獲得很多人支持的還有張振朗,入圍最受歡迎電視男角色、飛躍進步男藝員及最受歡迎電視歌曲的胡鴻鈞,便看好振朗和鍾嘉欣:「視后我睇好鍾嘉欣,我唔想好似佢fans咁,但我真係希望佢有好成績;男主角我就希望係張振朗,佢每套劇每個角色都真係用盡佢嘅能力去演,所以我覺得佢好值得嘉許。」陳展鵬則搞笑地順勢宣傳將於下年1月10日晚9點半播出的新劇《鐵拳英雄》:「唔知係咪我依家有咗小朋友,咁可以叫我鐵拳爸爸,哈哈,嘩!幾犀利呀。」

最佳女主角最後五強

 

+1

視后方面各候選人同樣惺惺相惜,其中姚子羚謂:「另外四位我自己都好喜歡同欣賞,佢哋四個都係好努力、好優秀,我覺得邊個攞獎都會好開心。」林夏薇則笑言要努力準備當晚戰衣:「因為拍緊劇,我未有好多時間試,希望出到嚟係端莊又靚嘅打扮。」女子組方面,姜麗文今年可謂交出亮麗成績單,先後入圍「最受歡迎電視女角色」、「最佳女配角」以及「飛躍進步女藝員」五強;對於獲取如此佳績,姜麗文坦言嚇親:「好驚喜、好感恩、好享受依家呢刻,因為唔知幾時再會發生呢件事。信心我唔敢講,因為事實上其他候選人我都好尊重同欣賞,但我當然想攞獎啦,但唔代表應該攞架嘛。」

最受歡迎電視男角色
最受歡迎電視男角色

另談到劇集《愛‧回家之開心速遞》入圍多項提名,憑「金城安」一角入圍「最受歡迎電視男角色」的「愛‧回家」成員周嘉洛坦言很興奮:「我好開心同媽媽(滕麗名憑熊尚善一角入圍最受歡迎電視女角色)一齊入圍,仲要都係電視角色獎!」至於向來擅長搞笑的陸永,對於入圍男配竟未打仗先認輸,十分搞笑:「我梗係冇(贏嘅機會)啦,點會有呀,一嚟對手強,二嚟個人弱,唔需要對手好強,你自己好弱就已經知道冇架喇。」同樣入圍男配的張頴康,則笑指原本打算問劇組借戰衣了事:「我有問過劇組我有套結婚嘅禮服可唔可以借嚟出席頒獎禮,但我返去同我太太講時,佢叫我唔好咁。」

最佳男配角
最佳男配角
最佳女配角
最佳女配角
陳卓賢 姜濤 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹