《全民造星lV 》總決賽順利完結，三甲塵埃落定，花姐和女團經理人Wing接受訪問時預告女團將於一月正式出道，屆時會宣佈成員、隊名和風格，希望籌備一隊好睇的女團，能刺激大家，被問到女團會否跟MIRROR合作，花姐聞言即話死梗，Wing說：「我們準備打MIRROR，首先擸哂佢哋啲嘢先，更熱鬧和好氣氛。」花姐說：「俾MIRROR睇吓女仔都跳得咁好，唔可以懶散和怠慢。我們成日講笑，兩隊組合打過，良性競爭是好事，不過唔好唔記得我哋同一間公司，爭我啲生意冇乜好，要爭出面生意。」花姐眼前已有四屆冠軍誕生已老懷安慰，「覺得節目幫到班年青人是好開心，但冇令我繼續想做《全民造星》，我的新年願望依然是不用做《全民造星》的。」
得獎三甲直入女團，雖然未知有誰會加入，但她們各自有心水清單，Marf希望子涓、Candy、Ada和CK可以加入，覺得她們比較全能，Gao希望是所有B組的成員，最好是所有參賽者都有份，而Day亦希望有Candy加入。Marf說：「希望新女團可作多方面嘗試，拍劇、綜藝和表演都想試，一齊去面對。」
三甲得獎後最想做的事情是睡覺和食嘢，Marf說：「瞓覺和食蛋糕。」Gao說：「想吃煎炸嘢。」而Day最想吃肥膩和甜的食物。
