Advertisement

父子檔拍新歌MV 雷有輝爆老婆探班兼揀新抱?

本地
2021.12.24
752

dsc06264_%e8%aa%bf%e6%95%b4%e5%a4%a7%e5%b0%8f

太極樂隊成員雷有輝(Patrick)最近推出新歌《女同學》,並邀來囝囝雷瑋陶(Matt)拍攝MV,飾演他的年輕版,周旋於十個女生之間,艷福不淺。Patrick笑言故事純屬虛構,讀書時並不風流,跟真實生活相距很大,「當年我係出名專一㗎,只不過阿仔比我有型,佢值得俾十個女仔圍住,所以呢日MV佢先係主角。呢次係順便將個『衣鉢』傳俾佢,咁我就提早退休,屋企所有開支都交晒俾佢負責。」

Patrick與Matt父子檔演出,也獲老婆到場打氣,真正原因原來是「揀新抱」,令Matt有點不知所措,Patrick表示囝囝才二十歲,不用心急找對象,「以我所知佢都有試過拍拖嘅,但呢一刻係單身嘅,我梗係想佢感情世界豐富啲啦,頭先女演員未埋位都會同我傾計,人地一OK就冷落我,好似透明咁啊,真係好慘。」Matt與十位女生談情,表面幸福卻有苦自己知,Patrick透露:「每一場最後都要俾對方打一巴掌,你以為我企側邊係監場咩?我叫佢地大力啲打落去,咁先拍得真實㗎嘛!」Matt今次零酬勞演出,表示被爸爸養了20年,是時候回報給他。

聲夢傳奇 星級企業大獎2020 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹