Advertisement

閉關操練大Deep V騷胸肌 張敬軒20周年演唱會自私一次

本地
2021.12.23
879
撰文:嘉栢攝影:鍾漢平

 

whatsapp-image-2021-12-23-at-21-01-53-1

《THE NEXT 20 HINS LIVE IN HONG KONG張敬軒演唱會》於今晚(23號)正式開鑼,一班圈中好友周秀娜、七仙羽(七師傅)、曾樂彤 、許靖韻、泳兒、吳浩康、艾妮、 李靖筠 、溫碧霞、黎峻、周家怡、衛詩雅和彭秀慧等現身支持,閉關操肌多時的軒仔以甚有王者風範的閃爆水晶閃石禮服長褸登場,內裏配以大deep V襯衣露出若隱若現的胸肌,下身的穿窿黑褲亦非常性感,以一曲《Do What You want》揭開序幕,其後唱出《You》及換上王子味十足紫色閃金銀的露背禮服獻唱《騷靈情歌》。

唱罷三首歌後,軒仔多角度向觀眾躹躬致謝,笑稱要拜八角,並多謝老闆楊受成、楊太、英皇高層Shirley 和Alex Fung,並介紹Alex做過不少大騷,當中包括梅姐和哥哥張國榮的騷,軒仔說:「不過因為Alex Fung計錯數,所以今次啲衫唔夠布,趁青春留倩影,大deep V、大露背唔見得幾多次,帶長鏡嘅fans影得就影。」台下粉絲即起哄,他繼續說:「上次港樂,爸爸和媽媽來不到,但今次他們來到看騷,我是很開心,多謝阿媽生咗我出嚟,嚟到香港都整咁清淡的早餐俾我,大家喺網上都見過啲英泥早餐,前幾日仲變咗鴨屎綠色,我問佢點解,佢話加咗幾粒杞子落去,阿爸行動不便,佢出入時大家幫吓佢。今次演唱會加吓加吓都好多場,公司話除左die hard fans 外,有好多係街客,即係仲停留喺《酷愛》和《英花樹下》嗰啲,所以製訂歌單都出過好多不同方案,但人生有幾多個20年,我決定自私一次,由自己作為創作藍本,將我出道二十年,在香港住咗19年幾的光陰經歷和感受創作這個演唱會。」

陳卓賢 聲夢傳奇 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹