Advertisement

王君馨效力TVB 14年 突宣布離巢

亞洲
2021.12.18
2.1k
2007年參選香港小姐奪得亞軍入行的王君馨 (Grace) ,不知不覺已效力TVB 14年,今天她突然在社交網分享「畢業照」,並留言:「我畢業啦!」
王君馨
王君馨
原來這張「畢業照」是指她要離巢,再找新發展。在TVB 14年的時間,她於千字文中表示很感恩公司給予了很多機會,令她可以展開多姿多采的演藝生活。
至於將來會以唱歌、跳舞或演戲為發展中心,她揚言全部也不會停下來,因為唱歌、跳舞和演戲所帶來的挑戰是她工作上滿足感的來源。
王君馨全文如下:
我 畢 業 啦 !

感覺上好似係一間學校由BB班讀到高中畢業。由選美開始,到《舞動奇蹟》;跟住做主持、做司儀,開始我嘅演戲生涯;到《星夢》嘅唱歌比賽,再參與到好多年嘅台慶表演等等。好感恩呢14年可以試到咁多唔同範疇嘅演藝工作,讓我更加知道我對performing arts 嘅熱誠同喜愛。

大家成日問我:唱歌、跳舞、演戲你最鍾意邊樣?停一停、諗一諗,點解係都要揀?無論係唱歌演戲跳舞,我都唔會停落嚟 ,因為三樣都俾到我唔同嘅挑戰同埋滿足感!

喺呢度,好想感謝每一位照顧過我嘅好同事,教我中文、教我化妝整頭、教我演戲,或者教我點樣做一個更好更有毅力嘅人,尤其係我幾位經理人:Derek 爸爸、Amy 媽、阿正、Veronica 同埋樂小姐,真的辛苦曬你哋啦! 我衷心多謝你哋每一位!亦都多謝每一位俾過機會我嘅監製同導演。喺每一個劇集或者節目上面都俾咗好多空間我去學習,同埋嘗試好多唔同嘅角色!

我第一日入行就係21歲嘅生日5月5號。今日最後一日亦都有呢個邁向55週年嘅里程碑俾我。It’s been a great journey here and I wouldn’t have changed it for anything because it made me into the person I am today!

Thank you TVB!

各位同事保重,江湖再見!

圖片來源:王君馨@Instagram
朴寶劍 車銀優 木村光希
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹