Advertisement

吳嘉禧茶餐廳做「打雜王」 劏魚學整魚蛋凍到震

本地
2021.12.16
3.2k

吳嘉禧(Cheronna)早前拍攝節目《唔試唔知份工好》,節目中,Cheronna 到一間茶餐廳做「打雜王」,由樓面、收銀、洗碗等等樣樣做齊,不過講到最難忘,莫過於做於茶餐廳內做「魚蛋妹」劏魚整魚蛋。

 

Cheronna表示:「因為茶餐廳係自家製魚蛋,所以我被安排到工場學整魚蛋,我冇諗過整魚蛋係咁凍整,隻手凍到痛,整魚蛋真係好花功夫。」自言怕凍的Cheronna雖然工作時因手凍到痛而大呻辛苦,不過她直言今次整魚蛋是很好的工作體驗:「無論我去工場劏魚,點樣將魚骨同肉分離,點樣整魚醬同魚蛋, 再到樓面落單收錢等等,所有事都非常難忘,係一種好難得嘅體驗。」

提到今次要密密劏魚,向來無劏魚經驗的Cheronna直言:「今次還可以,我覺得殺生要自己親手去做係好驚,今次啲魚唔係經我手去拍暈同放血,冇血淋淋畫面,,所以自己都接受到。」她更笑指劏魚新技能解鎖:「好難得學到劏魚係嘅經驗,以後可以去街市買條魚返去自己劏。」

至於今次於茶餐廳打工,Cheronna坦言最愛的工作是入廚房洗碗,她笑說:「整魚蛋係好新鮮事,但最鍾意反而係洗碗,因為洗嘢時其實好自癒,腦可以放鬆,平時自己都鍾意洗嘢,而且我覺得自己洗碗都有天份,好滿意自己喺洗碗呢個崗位嘅表現。」

姜濤 星級企業大獎2020 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹