Advertisement

陳嘉寶騷九個月孕肚影全家福 因乜原因想BB遲啲出世?

本地
2021.12.07
1.6k

photo-2021-12-07-01-10-17-pm_%e8%aa%bf%e6%95%b4%e5%a4%a7%e5%b0%8f

陳嘉寶(Anjaylia)今年7月宣布再度懷孕,婚後先後為老公黃頌祈誕下大女Hosanna與二女Eliana,三年抱三,第三胎將於月底出生,亦因為生完這一胎後封肚,她決定到影樓拍攝一輯孕照及全家福留念,「大家成日問我個肚喺邊?過去兩胎成日問我點解唔影?今次就影啦,做個紀念,同埋滿足大家嘅好奇心,其實我係有肚㗎!之前曾經有人懷疑過大女Hosanna唔係我生,話我係搵代母,所以真係想話俾大家聽,我真係有個肚㗎!哈哈……今次就攞出嚟俾大家睇吓啦!呢個感覺好赤裸、太性感啦!就算冇BB嘅時候都好少露腰,所以拍攝時會覺得自己好似豬八戒有個大肚腩,哈哈……」

Anjay與老公、囡囡拍全家福,卻把攝影師難倒,因為Hosanna與Eliana非常好動,在現場跑來跑去難以控制,她坦言很想念與老公拍結婚照的感覺,但做父母後才發覺與小朋友拍照是很忙亂,只想盡快完成,感覺都變成任務。

Anjay的預產期在聖誕與元旦之間,希望BB不要太早出生,「BB預產期啱啱係聖誔節同元旦嘅節日,希望俾我過晒啲party先出嚟就可以安心地坐月,因為如果坐月嘅時候party,好多嘢都唔食得,所以等我enjoy埋先啦!如果唔係我坐緊月嘅時候,大家開party就好無癮,小朋友又冇得出去玩,希望俾我過埋個節先。」但她又因為想早點擁抱大女二女而變得矛盾,期待BB早點出生,「因為而家個肚太大關係頂住,完全抱唔到佢哋,其實真係好想抱吓同攬返佢哋,等我卸咗之後就可以俾返多啲時間佢哋,瘋狂地抱返佢哋,對大家要公平嘛。」Anjay坐完月便會再次重投工作,亦會好好學習分配時間,除了在家庭與工作之間做好平衡,還要花時間關心長輩。

部分圖片來源:陳嘉寶@Instagram

星級企業大獎2020 陳卓賢 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹