Advertisement

張敬軒演唱會加開至18場 「好多人同我呻買唔到飛」

本地
2021.12.06
877

張敬軒今年事業勢如破竹,今日正式宣布《THE NEXT 20 演唱會,再度加開最後三場(1月13、14、15 日),買唔到飛嘅歌迷,真係要密切留意啦,加場門券將於8號於網上發售!

張敬軒入行20周年演唱會,早前加到15場破曬佢個人紀錄,仲未滿足到樂迷需要,需要兩度加場。據演唱會總監馮貽柏表示,軒仔今次再度加場, 是幾經辛苦爭取回來的,十分多謝紅館對軒仔支持,希望一直買不到飛的歌迷,把握最後機會,因為這3場真的是終極加開,不會再加。

對於一加再加,主角軒仔表示多謝樂迷對他的支持,他有能力的話就盡量唱多少少,免令歌迷失望, 「好多人向我呻訴買不到飛,最近我更收到歌迷PM,指買飛遇上騙徒呃錢,所以公司同我研究加場,我考慮過自己體力、工作上調配是否可以等等問題後,真心希望可以幫到歌迷朋友,等佢地可以有再買飛的機會,先答應加場。有歌迷朋友同我講,有人冒稱我們的演唱會贊助商,指可以代買演唱會飛,但當大家付錢之後,便聯絡不上,損失慘重。我真係再勸喻大家多一次,千萬唔好向一些不明來歷的人買飛,不要受騙。」

+5

加到18場,軒仔的歌首首都出曬名唱到飛天遁地,不是常人可以駕御,問到軒仔如何保養身體以應付這18場的體力,軒仔謂他最近已非常之咁保重自己身體,天氣轉冷不敢怠慢,不想病倒影響工作,「今次我有專業團隊照顧我聲帶健康,聲樂老師同照顧我聲帶的醫生商量過,得出來的專業見議,吩咐我唱五日休兩日係最好,咁樣聲帶就可以得到最佳狀態,所以公司一早就已經按照呢個專業意見去規劃我整個演出,相信我可以得到最佳休息。依家我唯一敵人就係部手機囉,哈哈,大家都知我有手機成癮症,成日一睇就唔知點解又天光,演唱會期間真係要戒,戒唔到點算?或者可能真係要搵人係演唱會收工之後,收走我部手機,咁我先可以早訓。」

聲夢傳奇 MIRROR 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹