Advertisement

蔡穎恩加入人妻行列 好姊妹陳嘉寶傳生B運

本地
2021.11.29
1.5k

screenshot-2021-11-29-at-1-11-46-pm
模特兒蔡穎恩(Evelyn)與攝影師譚運佳昨日(28日)在雙方父母和親友見證下註冊成為合法夫婦,結束8年愛情長跑,攜手步入幸福新生活。好友陳嘉寶(Anjaylia)見證儀式,她對Evelyn笑言:「歡迎加入人妻俱樂部!」腹大便便的Anjaylia捉住Evelyn的手摸自己的肚皮,祝福她不停生B。

婚禮昨日於金鐘的酒店戶外花園舉行,雙方家長和親友約50人出席,Anjaylia囡囡擔任小花女,活潑可愛。穿上白色婚紗的Evelyn由爸爸陪同進場,一對新人互相宣讀誓詞及交換BVLGARI結婚戒指,Evelyn全程笑得甜絲絲,老公卻一度感動哽咽,非常感性。而在親友熱情的掌聲和歡呼聲下,他們三度深情親吻,恩愛甜蜜。Evelyn大讚老公好靚仔:「我好驚喜佢今日呢個Look,平時好少Gel起晒啲頭髮,今日真係好有型,我唔會再畀佢Gel起啲頭髮,咁靚仔,畀其他女仔見到點算呀?!」氹得老公笑逐顏開。

新郎透露籌備婚禮期間離港工作超過8個月,只可越洋籌備,Evelyn說:「大部份時間都由我張羅,佢負責落決定。好開心,我哋都係幸運嘅人,有好多專業嘅朋友、公司同事、同學和家人幫忙,仲有品牌贊助,好多謝大家咁愛錫我哋。」新郎說:「籌備過程輕鬆,我哋追求簡單和自然。(生B計劃呢?)都係追求自然,我哋都好鍾意小朋友,一切順其自然。」他被問到婚禮上哽咽,他說:「平時好少對住屋企講深情說話,感覺特別大。」Evelyn說:「反差有啲大,平時都係新娘喊,估唔到今日調返轉。」

screenshot-2021-11-29-at-1-10-59-pm

而Anjaylia追問Evelyn成為譚太心情,Evelyn說:「今日個個都嚟問我『緊唔緊張?』我完全冇緊張嘅感覺,因為太多嘢要處理,無時間緊張。」對於老公感性哽咽,她說:「午餐時我哋對屋企人講咗一啲深情嘅說話,佢喊,連佢好熟嘅朋友都話估唔到。其實我好少見佢喊,就算睇好傷感或煽情嘅電影,佢都好少喊,今日見到佢呢一面,重新認識佢。」

screenshot-2021-11-29-at-1-09-48-pm

Anjaylia笑說:「最有趣係我結婚我自己冇喊但你喊,今日你結婚你冇喊但我喊。」Evelyn透露婚後只休息一天:「大家都好錫我,希望我放一日假才開工,工作一直排到明年。今日個個都叫我年生貴子,唔知有無時間生BB。」Anjaylia立即捉住她的手摸自己肚皮,笑說:「即刻過啲畀你!」Evelyn笑說:「可以,我可以帶你大女返屋企。」Anjaylia祝福她:「期待你除咗幕前工作,仲要攝時間不停生B啦!」叫她過兩招教新鮮人妻,Anjaylia說:「我識佢嗰陣已經好賢淑,會煮好多嘢食和持家有道。」Evelyn讚Anjaylia婚前只懂造一款最簡單的甜品,婚後竟變成大廚,經常為囡囡親手造麵包和曲奇,進步神速。

聲夢傳奇 MIRROR 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹