無綫《萬千星輝賀台慶》今晚電視城舉行，一班藝員們都分外悉心打扮現身，谷胸露腿晒背，其中藝員陳自瑤、劉穎鏇、姚子羚、高海寧、彭慧中、葉蒨文、林凱恩、黃婧寧等較為性感，身為豐胸代言人的陳自瑤表示要盡責任，「我當然要盡代言人責任，每年都只係一次半次，但頒獎禮要再睇睇，到時可能端莊少少，其實我揀衫會睇設計，着重靚，希望每次感覺都不一樣，今曰就比較型得來性感，希望大家鍾意。」而久未性感的高海寧，難得再次性感，「我好耐未試過咁著，造型師給我四套揀，我揀咗呢套，亦係最性感一套，試完就覺得係呢件喇，著上身覺得好靚，可以騷到我身形！」
葉蒨文表示：「每年台慶都咁落力，而且都有贊助俾我揀，當然做足安全措施，貼晒膠紙，完全真材，要隆重其事。」
待嫁的張秀文表示，沿路一直被恭喜，問到婚期，「因為都想可以熱鬧擺酒，又可以多人參與，開心去慶祝，所以暫時未有日子，但應該都係明年，所以都好開心，今日沿路好多人都恭喜我，令我有少少尷尬，但消息一出之後就忙同親友交代。」她更即場否認雙喜臨門。
