Advertisement

尾場驚喜連連|夏韶聲破例唱《空凳》Joey負傷上陣不留力

本地
2021.11.15
404

dsc07655

「Arrival ♾ Departure」夏韶聲 x Joey Tang Live 2021昨晚(15日)圓滿舉行,尾場二人額外興奮,即使鄧建明負傷上陣,亦無礙發揮多次Solo彈奏結他,期間二人更不時對彈「Battle」,琴技不分上下令入場Fans如痴如醉!

九展Star Hall首次有演唱會使用巨型天幕,樂迷不時打卡留念,而Joey Tang亦無懼墜台陰影,再次坐在台邊彈結他。而尾場個唱亦有不少驚喜,如雷有輝趕趁現場上台撐兄弟,而夏韶聲應鼓手要求,臨時加插《空凳》一曲,「因為要暪住鼓手比個機會佢懷緬爸爸,所以臨時加上去,連Rundown都冇。但係我都好少唱呢首歌,因為我諗起爸爸都會傷心,只係今晚嘅觀眾有耳福。」Danny Summer坦言尾場表現更好,笑指愈做愈興奮:「好多歌都未唱,但係今次擺明係一個搖滾騷,所以要留翻個人演唱會先唱囉!到時一定要搵翻Joey Tang合作,因為佢都熟晒我啲歌,難得大家都仲企到喺個台度,一定要再玩翻次。」

dsc07550

Joey Tang就話自己尾場「搏老命」演出,在台上多謝好友問候,仲高呼「冇事嘛」報平安:「噚日跌完隻手指係黑色嘅,今日就變咗做紫色,叫做有好轉!但嚟緊都有好多演出嘅工作,冇時間比隻手去抖吓,但今晚坐滿晒觀眾,實在太High唔會留力,所以玩到好盡興!我同Danny哥講如果佢開個人騷,記得留翻個Band Leader比我撈吓,同埋希望到時大家唔洗戴口罩入場,大家都健健康康。」

陳卓賢 星級企業大獎2020 姜濤
人氣 TRENDING
張家朗 何詩蓓 姜濤 MIRROR ERROR 東京奧運 香港小姐 聲夢傳奇 炎明熹