改編自梅艷芳傳奇一生的電影《梅艷芳》，昨日（12）終於上映，開畫後成績理想，連同之前的優先場數字，開畫日累計大收379萬，而首日票房亦收得311萬，成為2021年開畫票房最高及入場人次最多的香港電影。
導演梁樂民與主角王丹妮現身戲院謝票，提到票房成績佳，梁導表示很窩心，「我覺得我哋應該要謙卑啲，因為我哋好想帶返梅姐一個人物，呢個經典、傳奇嘅歌后一世，我哋見到戲院裏面有好多90、00後嘅朋友入場，其實我哋最開心嘅。真係好多謝咁多香港觀眾一齊去支持《梅艷芳》，其實香港電影真係好需要好需要香港觀眾嘅支持。」
王丹妮則說電影可以傳承梅姐嘅精神，「佢嗰種好似佢『只要有信心，冇難事啊』嗰種堅定同埋永不言敗嘅精神。同埋我哋都好感動，亦都好多謝大家入場支持，真係對我哋嘅團隊一個鼓勵。都知道原來唔同嘅年齡層都會入嚟支持我哋，真係好感動，同埋係完全感受到香港人係冇忘記過梅姐。」
