昨日播出的《男神廚房》譚俊彥奉上美食後，與主持鄭裕玲、王菀之，及嘉賓主持黃智雯、高海寧對談，黃智雯問他在合作過的女拍檔之中，有否遇過好難相處的對手？Shaun爽快回答：「曾遇到一個女拍檔，當時年紀好細，其實難相處係因為當時個位女士只有19歲，而我只有21歲，有一場戲，我同佢有少少touch，譬如我地要結婚啦，我就攬咗過去，咁攬完過去之後，佢突然之間話：『你係咪想非禮我呀？』咁到而家講返，佢都應該記得，佢叫做應采兒。」（Shaun與應采兒於2004年曾合演台灣劇集《候鳥e人》，在劇中飾演一對戀人。）
Do姐聽到他爆料，即興奮拍掌：「嘩，開埋名添，我鐘意呀！」Shaun接着說：「唔緊要，因為我想講個時大家都好細個，大家都無呢個意識，到最後大家都變咗好好既朋友。」難怪在他爆料途中，何廣沛在旁細細聲提示他要小心講嘢，Shaun也繼續暢所欲言。
圖片來源：myTV SUPER(www.mytvsuper.com)、華視
