Advertisement

吳彥祖由藝人變賽車手 馮德倫拍片紀錄老友速度之旅

本地
2021.11.01
803

y020817a020
吳彥祖(Daniel)與太太Lisa及女兒Raven現居美國,近年因為疫情關係,未能返香港工作,但與此同時,卻令吳彥祖重拾對賽車的興趣,甚至成為了職業賽車手。Daniel說:「其實一直好鍾意賽車,好羨慕郭富城、爾冬陞、方中信、錢嘉樂,但以前住香港,冇機會接觸,又唔熟悉呢個範疇,直至搬返美國,可以揸自己車去真正嘅賽車場玩,之後就諗,仲有咩進步空間呢?最後決定去比賽。」

5

由藝人變成賽車手,Daniel一切由零開始,好友馮德倫得知他的經歷,於是提議幫手拍片紀錄他的轉變及比賽過程,並找來擔任《林書豪 Linsanity》紀錄片導演Evan Jackson Leong幫手,製作成《吳彥祖的速度之旅》(Journey to Speed)紀錄片。Daniel說:「今年參加咗六場團體賽,暫時我哋總成績排第二位,希望可以一直保持,同埋以我咁新嘅車手,可以攞到呢個成績算好好。另外年底會跟隊友參加挑戰一個叫做『Thunderhill Raceway』嘅賽事,需要連續25小時不停去比賽。希望大家睇完呢套紀錄片,可以見到另一面嘅我。」

賽車有一定危險,太太Lisa可有反對聲音?Daniel表示:「其實賽車係快,但唔算危險,起碼我車有防滾架、有頭盔、有頸箍保護,相比Lisa騎馬,得個頭盔、跳馬完全冇保護,所以Lisa 無特別意見。」問吳彥祖何時才會回港拍戲?廣東話有冇退步?他說:「如果有戲拍我會返嚟㗎!但我驚自己接受唔到一個人喺酒店留二十一日,所以可能等多一年,唔使隔我就會返嚟。其實而家比賽有另一隊對手,佢哋係香港人,雖然我哋係敵對,但我一見到佢哋就好開心,因為可以同佢哋講吓廣東話,而家平時就真係冇乜機會講,所以唔多唔少冇喺香港嘅時候講得咁好。」

 

聲夢傳奇 MIRROR 星級企業大獎2020
人氣 TRENDING
張家朗 何詩蓓 姜濤 MIRROR ERROR 東京奧運 香港小姐 聲夢傳奇 炎明熹