Advertisement

王菀之感激伍仲衡帶入行 一齊做呢件事紀念友誼?

本地
2021.10.19
866

img_5171_%e8%aa%bf%e6%95%b4%e5%a4%a7%e5%b0%8f

王菀之(Ivana)與著名音樂人伍仲衡相識超過二十年,為紀念彼此友誼,兩人攜手合作新專輯《仍然記得嗰一次》,並於大半年前開始構思,音樂製作只花了兩個月便快速完成,伍仲衡形容是破晒人生紀錄,認為以專輯紀念友誼是一件「好威水」的事。

Ivana與伍仲衡合作推出專輯,感覺開心又期待,她說:「呢張專輯係一個Special Project,我好期待,因為對我嚟講唔只係一個出碟嘅意義,仲記錄咗我和伍仲衡,兩個音樂創作人識咗二十幾年嘅友誼,係一個Celebration Project。」在音樂界眾多好友裏,她解釋為何偏偏選擇與他慶祝相識紀念專輯:「因為伍仲衡帶我入行,佢係我音樂路上嘅『伯樂』,我想以一個特別嘅音樂形式,慶祝和紀念呢份友誼,感謝佢。」

伍仲衡之前一直忙於籌備最近的作品展,卻又要為這張專輯做監製,每天猶如跟時間競賽,最後以兩個月極速完成,破了個人紀錄,他說:「兩個月做起12首歌,過往至少花大半年以上。呢兩個月幾乎日日錄音,除咗錄Ivana唱歌,我仲要負責好多樂器和混音。」他回想起21年前與Ivana首次碰面,對她的歌聲很難忘,大讚好好聽,又發現對方原來會寫歌,於是邀請她幫忙唱demo,他亦幫她創作的歌錄製demo,「好快佢嘅歌由張學友唱咗(《我真的受傷了》),成為大家都好鍾意嘅歌,後來Ivana讀完書返嚟香港做歌手。」新專輯中有一半是伍仲衡的作品,另一半則是兩人很喜愛的前輩作品,他認為這份禮物用錢也買不到,而且很長青,即使20、30年後再聽也依然出色,「過往為其他歌手做碟錄完歌我就唔使理其他嘢,但呢張碟連影封面都有我份,所以特別有意義,係完全屬於我嘅Baby!」

dsc01271_%e8%aa%bf%e6%95%b4%e5%a4%a7%e5%b0%8f_%e8%aa%bf%e6%95%b4%e5%a4%a7%e5%b0%8f

為了配合專輯的日與夜意念,兩人分別到香港多個特別景點拍攝封面照片,Ivana穿着白色長裙,仙氣十足,由清晨開始在不同文青咖啡店打卡,又與店內的貓貓一邊玩耍一邊拍照,在另一家內滿書籍的咖啡店裏更創意爆發,即場寫了一段旋律。另一邊廂,伍仲衡則從黃昏開始穿梭大街小巷拍攝,既到大排檔喝奶茶,又到街市水果檔與街坊閒聊,再到舊式唱片店尋寶。

姜濤 星級企業大獎2020 聲夢傳奇
人氣 TRENDING
張家朗 何詩蓓 姜濤 MIRROR ERROR 東京奧運 香港小姐 聲夢傳奇 炎明熹