Advertisement

有種好男人 ︳李佳芯陳自瑤識於微時終合作 馬德鐘演老本行感興奮

本地
2021.10.18
2.2k

馬德鐘、李佳芯(Adi) 、陳自瑤(YoYo) 、徐榮、趙希洛、 胡諾言、張國強、楊卓娜等,今日於無綫為新劇《有種好男人》 (暫定) 進行造型,李佳芯今次再度挑戰演人母,「劇中會有個十六,七歲嘅仔,做媽媽都唔係第一次,不過今次監製好好,唔使我特別去扮老,做自己就可以,所以演技上都要重新調節,希望都可以演得有說服力。」

陳自瑤李佳芯
陳自瑤李佳芯

劇中陳自瑤飾演馬德鐘姑姐,「今次輩分高咗,做馬神姑姐,當初一聽到都打個突,覺得邊有資格做,但監製話只係輩分高,所以都好正常。不過今次最開心係劇中可以繼續扮靚,因為角色講我只掛住拍拖,性格大癲大肺,自己好少演呢類型角色。(咁咪好多男朋友?) 要問監製,唔知自己有幾多男朋友,所以今次造型比較韓風,喜歡扮靚,至於使唔使性感,要叫監製加戲囉,我做咩都可以,露胸,露腿,露腰都可以。」YoYo表示難得可以與李佳芯合作,事緣早前兩人碰面,Ali表示很想與對方合作,「冇點解,上年頒獎禮時,大家見面都講起,希望有機會合作,我覺得Yoyo係一個演技好,又靚,大家又識咗咁耐,未入行前做模特兒時都已認識,但一直未有機會合作,幸好今次開口中。」

劇中馬德鐘飾演保鏢,本身G4出身的他,開心可以做老本行,「今次做自己老本行,所以都好開心,都會有說服力,應該唔會俾人話唔似,自己會在姿勢,眼神,隊形上,都會投入去戲中,希望可以讓觀眾看得過癮,(可否騷肌?) 劇中大把人會騷肌,我唔知需唔需要,但我都會操肌,因為都有好多動作戲。」

 

新劇《有種好男人》 (暫定) 進行造型
新劇《有種好男人》 (暫定) 進行造型
新劇《有種好男人》 (暫定) 進行造型
新劇《有種好男人》 (暫定) 進行造型
陳卓賢 姜濤 聲夢傳奇
人氣 TRENDING
張家朗 何詩蓓 姜濤 MIRROR ERROR 東京奧運 香港小姐 聲夢傳奇 炎明熹