文雪兒大女張筠（Christy）上星期四喺Instagram宣布結婚，估唔到佢妹妹袁萃（Jennifier）竟然緊接姊姊喜訊，仲爬埋佢頭，星期日打住風同男朋友簽字結婚。妹妹結婚，文雪兒同老公袁慧明、張筠及其未婚夫當然有到場送上祝福，仲影埋大合照。
新娘袁萃：「打風都打唔甩啦！往後的餘生，我只要你。往後餘生，風雪是你，平淡是你，清貧也是你，榮華是你，心底溫柔是你，目光所至也是你。我願在一處小鎮，和你共度餘生。」對於細女出嫁，文雪兒表示好開心，由於受疫情影響，細女呢日只係簽字，等疫情一過就會補擺喜酒，佢仲期望可以早日抱孫添。
圖片來源：張筠、袁萃＠Instagram