型佬黃德斌近期《大叔的愛》角色KK非常入屋，一夜爆紅廣告一個接一個。近日，黃德斌以一身型佬look為流感針拍攝廣告，即場KK上身，不停大擺「大叔甫士」，可愛表情令影樓嘩聲四起。
黃德斌擔 58歲仲Keep到一副好body，原來亦曾患流感：「以前發高燒睇完醫生食咗藥，都要瞓幾日幾夜，完全無胃口，病到起唔到身，我當時以為係一般傷風感冒，今日聽完專業人士講解，先知道呢啲原來係流感！好彩最終無事，如果唔係好似其他人咁出現併發症就大鑊了！」
年過50流感有法擋
事實上大部份人都未必懂得分辨流感和一般傷風感冒，普通傷風感冒會流鼻水、咳或者頭痛，至於流感有何不同，德斌已經琅琅上口：「流感來得很快，短時間內會發高燒，肌肉痛還會感到疲勞，而且有機會出現併發症甚至死亡。年過50，或者有三高同長期病患者都係高危人士，所以50歲以上不論健康或者長期病患者，一定要每年打流感針來預防。」
