「黃Viu煲劇平台」除了為觀眾搜羅大量劇集、電影與動畫，最近推出由商台DJ麻利主持的清淡節目《同煲同BLOW》，每集邀請不同嘉賓大談煲劇話題，首集便請來樂隊ToNick主音趙善恆，他與麻利同樣熱愛動漫，原來入行後許多音樂作品或電影都植入了動畫感。
恆仔自小就深受日本動畫文化影響，他亦希望以生日命影響生命，所以不知不覺中融入到作品裏，他說：「好多熱血動畫真係深深影響咗我，直頭係入咗血一樣，自己作歌或執導嘅電影都受動畫啟發，希望透過作品再去啟發其他人。好似《一秒拳王》咁，入面嘅音樂、角色塑造都受到好多唔同嘅動畫薰陶。」在芸芸作品之中，《鬼滅之日》最有動畫感，歌詞中集合多位經典動漫人物，他在節目中更自彈自唱即席表演。
恆仔喜歡動畫，也會收集不同動畫角色的模型公仔，曾為了給這些心肝寶貝一個安樂窩，他在家中不惜「拆房」來安置它們，說道：「自己儲落太多 Figure 喇，妹妹搬走咗之後，我索性打通埋間房，放咗兩個櫃用嚟放公仔。」
