樂隊Dear Jane一連五場紅館演唱會上周六（25日）圓滿結束，Dear Jane在台上分享入行以來的高低起跌，直言能踏足紅館開演唱會，途中經歷了不少挫折，更他鼓勵觀眾，若人生感到失意時可以想想他們多困難的時期也能熬過。主音黃天翱（Tim）的太太楊洛婷（Rabee’a）是Dear Jane的忠實粉絲，每晚都在台下舉牌撐場，看見樂隊順利完騷讓她十分感動。Rabee’a 今日在社交網貼出Dear Jane的演出照，以及和老公Tim的親嘴相，同時又撰長文分享感受。
Rabee’a 指安哥時的歌曲讓她憶起Dear Jane所有高低起跌和一切的經歷，「仲有一啲我從來都冇分享過嘅嘢，而我估計我老公都唔記得。」
Rabee’a 自爆曾經有一段時間，被舊公司不斷無理迫去整容，「因為我唔肯妥協、唔肯就犯，所以就被人無情咁『掟入雪櫃』，結果我冇工作冇收入。當時我老公就好型咁同我講，佢會用佢嘅所有能力去照顧我。的而且確，我老公絕對有履行佢對我嘅承諾，而幸運嘅係，我精彩嘅主持生涯亦隨即展開。呢個就係我哋愛情故事嘅開始。」
她直言雖然一直都很相信老公，很相信Dear Jane，「但抱歉嘅係，我都有試過喺佢哋低潮時勸過我老公面對現實，甚至叫佢轉變一下佢嘅職業。宜家諗番，我好慶幸佢當時冇聽我講，我真係好佩服佢地對理想嘅堅持同毅力！」
Rabee’a更為Dear Jane出心出力，「喺演唱會入面，Jackal提及過『每次開show都好驚冇人買飛』，其實我都同佢一樣有呢個擔心。所以多年來每次開Show我都會求神拜佛，努力叫晒身邊所有朋友買飛支持。直到今次佢哋話開演唱會撞正我坐緊月好忙，輪到我啲朋友好主動好踴躍、個個追住叫我幫手買飛，連一啲素未謀面嘅人，好似餐廳侍應、幫我整電話嘅師傅等等，都一一走來搵我買飛（我即使再忙都出盡全力幫手答謝大家），我真心為Dear Jane感到無比嘅光榮同驕傲！我真係好愛呢四個男人！喺未來嘅日子，無論世界有幾艱難，我都會繼續suppprt你哋，希望你哋繼續用音樂同樂迷聯繫起來，創造更多大家喜歡嘅故事! 」
圖片來源：楊洛婷@Instagram
