夏韶聲（Danny Summer）、鄧建明即將合體在九展舉行個唱，以宇宙作為主題，Danny Summer預告大玩特效，舞台佈滿LED電視：「平時我都好少見人，匿埋喺屋企度畫畫，所以要靠大家話比大家知有呢個騷！2017年我出過隻唱片，聽過嘅人就知我歌詞預告晒今日嘅情況！演唱會我地好似分兩部分咁，Joey負責『離開』，我就係『抵達』，所以一定要入場！」
而Joey Tany笑言對方帶自己入行，但夏韶聲已忘記呢段逸事：「當年我大概17歲，佢係第一個搵我做正式樂手，所以好感激對方！因為太極演唱會，佢出場反應太好啦，所以撩佢一齊搞個騷，加上好想做次『概念騷』，將成個場搞到成個太空館咁！」
