麥明詩有「10優港姐」之稱，早前在半工讀的情況下考獲美國執業律師牌，而哥哥麥明山同樣也在半工讀8年後，近日終於畢業，成為整形外科專科醫生。麥明詩昨日（14/09）在IG恭賀哥哥順利畢業，並獲得整形外科金獎，她曬出多張家人出席畢業禮的照片，說道：「你終於專科畢業啦！由細到大見到你讀書嘅努力，on call36嘅辛苦，成日食食下飯衝番去醫院，仲要番住工咁溫書去應付專科考試。整形外科一啲都唔容易，有時候你做手術一做就十幾個鐘，要治療、重建嘅傷患每個都唔同。」她同時恭喜父母把哥哥養育成一位優秀的醫生。
之前有不少粉絲誤會哥哥是弟弟，麥明詩特別聲明：「佢係我阿哥唔係我細佬。」她透露哥哥於屯門醫院上班，也介紹整形外科醫生的工作包括兔唇重建，癌症切割手術後重建，燒傷，意外後面部重建等等，醫學美容只是其中一部分。曾與麥明山共事的同事都對他讚口不絕，「同你阿哥共事過，佢好好人，會係個好醫生」、「你哥哥真係好nice，無論對病人定同事都好好，最緊要佢真係一個好用心嘅好醫生」、「我係博愛醫院做野時見過你哥哥，佢做嘢時好專業，對每個病人都好好，對同事都好有禮貌」。曾求診的病人也對麥明山有讚無彈，「最近喺醫院有見過麥醫生，佢哋嘅團隊幫我做手術，會診時麥醫生好有耐性解答我嘅問題，好多謝佢哋團隊幫我完成手術，效果理想」、「麥醫生平易近人，態度非常好，肯耐心講解，免除病人嘅憂慮，感謝！」
圖片來源：麥明詩@Instagram
